Xina nia ajénsia regulamentu siber anunsia katak labarik sira ho idade tinan 18 ba kraik tenke limita sira-nia utilizasaun telemovel to’o oras rua kada loron.
Cyberspace Administration of China (CAC) ka Ajensia Administrasaun Siber Xina nian hateten katak sei husu ba kompañia telemovel sira atu aprezenta asetu ida-ne’ebé hanaran programa labarik. Liu tiha, asetu ida-ne’e sei limita labarik sira ne’ebé seidauk to’o tinan 18 husi asesu ba internét iha sira-nia telemovel husi tuku 10:00 kalan to’o tuku 6 dadeer.
Labarik sira ho idade tinan 16 to’o tinan 18 sei hetan lisensa atu uza telemovel oras rua kada loron. Entretantu, labarik sira ho idade tinan 8 to’o tinan 16 sei hetan alokasaun oras ida kada loron no labarik sira ho idade tinan 8 mai kraik sei hetan de’it lisensa minutu 8 de’it.
Autoridade Xina iha tinan ikus ne’e hasa’e preokupasaun kona-ba moras matan myopia no kecanduan internét ba labarik sira.
Iha tinan 2021, governu xina implementa ona oras kalan atu halimar vídeo game ho idade tinan 18 mai kraik. Ida ne’e hanesan sátira ida ba kompañia boot sira hanesan Tencent.
Plataforma fahe vídeo hanesan Bilibili, Kuaishou, no ByteDance dezde 2019 oferese “mode joven” ida-ne’ebé limita utilizadór sira-nia asesu ba konteúdu no durasaun utilizasaun ba aplikasaun sira.
Aplikasaun hanesan TikTok iha xina ho naran Douyin, bandu labarik sira to minutu 40 de’it atu halimar aplikasaun ne’e. Autoridade Xina mós dehan katak sira sei apoia dezenvolvimentu iha kompañia teknolojia sira.
