Bainhira ita foin sosa telemovel foun, ita sente telemovel ne’e nia dezempeñu lalais loos. Maibé, bainhira tempu liu tiha, karik ita komesa sente dezempeñu sai menus iha ita-nia telemovel Android ka iPhone.
Iha artiklu ida-ne’e, ita sei esplora fatór balun ne’ebé bele halo ita-nia telemovel Android no iPhone nia dezempeñu menus.
Fatór Sira Ne’ebé Afeta Dezempeñu Telemovel Sai Menus
Iha fatór balun ne’ebé bele afeta dezempeñu telemovel sai menus. Fatór sira-ne’e balun inklui:
Sistema Operasaun no Atualiza
Sistema operasaun ne’e nu’udar esperiénsia prinsipál ba utilizadór sira-nian iha telemovel. Bainhira produtor sira fó sai atualiza ba sistema operasaun, sira baibain inklui hadi’a error, hadi’a seguransa, no hadi’a telemovel dezempeñu.
Maski nune’e, atualiza balu mós bele fó todan ba telemovel sira ne’ebé idade ona ho persiza sistema ne’ebé aas liu.
Aplikasaun lao iha Background
Aplikasaun balun mak automatika hala’o iha background hodi fornese notifikasaun no atualiza konteúdu.
Maibé, aplikasaun hirak-ne’e bele konsume resource sistema ne’ebé signifika, inklui eletrisidade bateria no memória. Se aplikasaun barak liu mak hala’o iha background, dezempeñu smartphone bele sai menus.
Armazen Nakonu
Bainhira telemovel nia armazen internu besik nakonu, ida-ne’e bele afeta dezempeñu tanba sistema ne’e la iha fatin sufisiente atu rai dadus temporaria.
Armazen nakonu bele halo telemovel slou no dalaruma iha problema atu hala’o aplikasaun.
Kondisaun Bateria
Bateria ne’ebé tuan ka aat mós bele afeta telemovel nia dezempeñu. Bateria ne’ebé tuan ka aat bele halo telemovel slou no mós bele halo telemovel derrepente mate.
Malware no Virus
Telemovel mós bele kona malware no virus. Se telemovel ida hetan infesaun ho malware ka virus, ida-ne’e bele afeta dezempeñu sistema no halo sistema ne’e slou liu.
Uza Telemovel Demais
Uza demais telemovel, hanesan hala’o aplikasaun todan ka multitasking intensivu, bele hamosu redusaun iha dezempeñu telemovel. Uza demais telemovel mós bele hasa’e temperatura iha telemovel, temeperatura ne’ebé sa’e bele halo todan servisu prosesor no memória.
Tips atu Hasa’e Android no iPhone nia Dezempeñu
Se ita-boot sira-nia dezempeñu telemovel sai menus, iha ne’e mak sujestaun balun ne’ebé bele ajuda hadi’a ita-nia telemovel nia dezempeñu:
- Atualiza sistema operasaun ba versaun foun.
- Hapara aplikasaun ne’ebé la uza ka limita aplikasaun sira ne’ebé halai iha background.
- Hamoos armazen no deleta aplikasaun ka file ne’ebé la uza.
- Troka batéria se batéria ne’e labele salva electrisidade ona.
- Instala aplikasaun seguransa atu proteje ita-nia telemovel husi atake malware no virus.
- Limita utiliza aplikasaun todan ka multitasking.
- Hamoos cache sistem beibeik.
- Restart ita nia telemovel periodik atu hadi’a telemovel nia sistema.
Konkluzaun
Degradasaun dezempeñu iha telemovel Android no iPhone bele kauza husi fatór oioin hanesan sistema operasaun ne’ebé la atualizadu, aplikasaun sira ne’ebé halai iha background, armazen nakonu, kondisaun bateria ne’ebé aat, kona malware no virus, no uza telemovel demais.
Maske iha diferensa iha dezempeñu entre Android no iPhone, pasu sira atu hadi’a dezempeñu iha telemovel rua ne’e hanesan. Hodi halo manutensaun no halo tuir sujestaun sira iha leten, ita bele maximiza ita-nia telemovel nia dezempeñu.
