Samsung Galaxy Z Fold 5 no Z Flip 5 lansa ona, Agora ita fó atensaun ba Samsung Galaxy S24 ne’ebé preapara atu lansa ona. Maski sei fulan balu husi nia lansamentu.
Galaxy S24 sei lori mudansa ba nia dezeñu. Bazeia ba informasaun ne’ebé hatudu husi leaker Ice Universe, telemovel ne’e sei aplika dezeñu Z Fold 5 no Flip 5. Orsida Samsung Galaxy S24 nia bezel sorin sai flat, Agora dadaun, Galaxy S23 no Galaxy S23+ nia bezel flat maibe nia kabuar.
Nune’e Samsung Galaxy S24 nia dezeñu hanesan iPhone 15. No mós, mudansa la’ós de’it nia dezeñu mak hetan mudansa maibe nia espesifikasaun mos sira upgrade.
Breaking
The middle frame design of S24 and S24+ has changed, and it has become a vertical frame design similar to iPhone. The picture shows Meizu 20, which is probably like this. pic.twitter.com/MG4hwn7pMQ— ICE UNIVERSE (@UniverseIce) August 18, 2023
Tweets husi ICE UNIVERSE
Espesifikasaun Samsung Galaxy S24
La hanesan ho Samsung S23 series ne’ebé uza chipset Qualcomm Snapdragon, agora Samsung Galaxy S24 Serie sei uza chipset Exynos ne’ebé chipset ida ne’e kompañia Samsung produce mesak.
Notísia ne’e mai husi Komunikasaun Sosial Koreia Sul Chosun Media. Sira relata katak Samsung sei uza chipset Exynos 2400 iha serie Galaxy S24 hodi kontrola kustu atu upgrade sira nia telemovel ne’e
Ida-ne’e la’ós foin primeira-vez mak hato’o diskursu kona-ba Galaxy S24 ne’ebé mai ho chipset Exynos 2400. Molok ne’e, Komunikasaun Sosial Koreia nian Maeil no tipster RGCloudS halo deklara hanesan kona-ba serie Galaxy S24 ne’ebé iza chipset Exynos.
Iha fulan Abril kotuk, tipster RGCloudS deklara katak Samsung sei uza Exynos 2400 ho kapasidade limitadu ba Galaxy S24, enkuantu variante Galaxy S24 Plus no Ultra sei uza Qualcomm Snapdragon 8 Gen 3.
Notísia seluk husi Chosun Media mós hatudu espesifikasaun ne’ebé sei lori ba serie Galaxy S24. Ba liña telemovel foun ne’e, Samsung sei uza layar AMOLED jerasaun da-13.
Layar foun ida-ne’e sei lori mudansa signifikante husi layar jerasaun 12 ne’ebé agora dadaun uza husi Galaxy Z Fold 5 no Galaxy Z Flip 5. Layar ida-ne’e hetan deklarasaun atu lori vantajen sira hanesan dimensaun ne’ebé di’ak liu, utilizasaun eletrisidade ne’ebé efisiente liu, no kualidade imajen ne’ebé di’ak liu.
