Facebook mak aplikasaun média sosiál popular no ema iha mundu tomak barak mak uza aplikasaun ida-ne’e. Agora, Facebook fornese aspetu no atendimentu barak ba ninia utilizadór sira, ida-ne’ebé hanesa fahe vídeo Facebook ne’ebé permite utilizadór seluk atu haree ita-nia vídeo .
Facebook mós hanesan média sosiál ida-ne’ebé fornese informasaun no konteúdu vídeo ne’ebé interesante. Tanba ne’e barak utilizadór sira hakarak atu salva vídeo, maibé la hatene oinsá atu download vídeo sira-ne’e.
Atu bele nonton vídeo Facebook ita presiza loke beibeik Facebook online, agora iha tips balun ne’ebé bele ajuda ita atu salva vídeo Facebook iha ita-nia telemovel. Maibé, developer facebook la fornese aspetu no atendimentu atu download vídeo Facebook iha aplikasaun no website.
Tan ne’e mak ita presiza loke website seluk atu bele download vídeo Facebook. Pájina balu ne’ebé ita bele vizita atu download vídeo Facebook mak Savefrom.net, Snapsave.app, fbdown.net, getfvid.com. Website sira-ne’e mós fó opsaun ba ita atu hili rezolusaun ba download vídeo Facebook, nune’e bele ajusta rezolusaun tuir ita-nia hakarak.
Ida-ne’e mak Maneira atu Download Vídeo Facebook via Website savefrom.net
- Loke aplikasaun Facebook
- Buka video ne’ebe ita hakarak download
- Buti pontu tolu iha vídeo nia leten
- Hili copy link URL vídeo Facebook
- Agora loke browser chrome iha ita nia telemovel no vizita website savefrom.net
- Hotu paste ita nia link iha kolom savefrom.net
- Hotu ita paste, buti letra Download iha kolom nia sorin
- Hein ituan to’o mosu hili rezolusaun vídeo
- Agora hili rezolusaun vídeo ne’ebe ita atu salva iha telemovel
- Hein to’o prosesu download remata
- Se vídeo ne’e remata ona download, vídeo ne’e sei salva automatikamente iha ita-nia galeria telemovel.
Ida-ne’e mak maneira download vídeo Facebook, ita mós bele download vídeo Facebook husi website sira seluk tuir ita-nia hakarak. Espera katak ida-ne’e bele ajuda ita.
