Data lansamentu ba serie iPhone 15 parese besik ona. India foin dadauk hasai ona sertifikasaun ba iPhone 15 iha nia nasaun.
MySmartPrice foin hetan ekipamentu husi Apple ho kódigu A3094 iha baze dadus husi Bureau of Indian Standards (BIS). Oras ne’e laiha ekipamentu husi Apple ho kódigu A3094, maibé ekipamentu sira ne’ebé lista iha posibilidade katak iPhone foun ne’e tama iha kategoria telemovel.
Se predisaun ida-ne’e loos duni, entaun ida-ne’e marka ba primeiru iPhone 15 halo aprezentasaun ofisiál molok atu lansa. Maibé, lista iha database BIS la fó sai informasaun seluk kona-ba telemovel ida-ne’e.
Notísia kona-ba iPhone foun ida-ne’ebé mosu iha database regulador India nian tanba Bloomberg hateten katak Foxconn hahú prodús iPhone 15 iha India.
Ida ne’e foin primeira-vez mak prodús modelu iPhone foun iha Xina nia rai-li’ur molok atu lansamentu. Iha posibilidade katak telemovel ne’ebé lista iha database BIS nian hanesan modelu ida-ne’ebé halo iha India.
Telemovel foun ne’ebé mosu iha regulador nia database baibain hatudu katak lakleur tan telemovel ne’e sei besik atu lansa. Iha tinan kotuk, iPhone 14 ho kódigu A2882 mosu iha database BIS semana balu antes lansamentu.
Serie iphone 15 se predisaun atu anunsia iha data 12 septembru. Tanba ne’e iha sentidu katak iha fulan ida antes telemovel ne’e hahú simu sertifikasaun husi regulador relevante sira iha nasaun balun molok atu sai.
Hanesan iha tinan kotuk, katak Apple sei introdús iPhone foun haat, hanesan iPhone 15, iPhone 15 plus, iPhone 15 Pro no iPhone 15 Pro Max.
Modelu iPhone haat ne’e sei mai ho Dynamic Island no port USB-C. Entretantu, iPhone 15 Pro no iPhone 15 Pro Max sei hetan funsaun eskluziva hanesan bezel ne’ebé mihis, chip A17 ne’ebé maka’as, no teknolojia kamera foun.
