Iha relatóriu katak iPhone 15 Pro no iPhone 15 Pro Max sei iha opsaun kór foun rua. Kór foun rua ne’e hanesan atu troka kór Gold ne’ebé iha tempu kleur ona, kór Gold halo parte iha liña iPhone Pro.
Rua kór foun ne’e mak kór Grey no kór Azul nakukun. Variante Grey ne’e bolu nu’udar “Titan Grey” maibé ida-ne’e de’it títulu servisu ne’ebé uza husi Apple tanba ne’e ikusmai naran ne’e sei troka.
Sei ita hare’e render husi 9to5Mac, kór Titan Grey ita bele hare’e nakukun liu husi kór Silver no Mutin. Maibé kór Titan Grey ita hare’e naroman liu husi kór Metan no Graphite. Variante Titan Grey sei troka variante ho kór Gold.
Ida-ne’e hanesan Apple hili kór Grey hodi korresponde ho casing foun ne’ebé uza iha iPhone 15 Pro no iPhone 15 Pro Max. Hanesan ita hatene ona, iPhone 15 Pro no iPhone 15 Pro Max sei uza materiál titániu hodi troka materiál stainless steel.
Alein dé iPhone 15 Pro no iPhone 15 Pro Max mós lansa kór Azul nakukun. Kór Azul nakukun ne’e hodi troka ho opsaun kór Deep Purple.
Apple seidauk fahe konvite ba lansamentu serie iPhone 15 iha tinan ida-ne’e. Maibé notísia barak katak telemovel foun husi Apple sei lansa iha loron 12 Setembru fulan oin.
