Google anunsia katak sei deleta tiha konta Gmail balun iha dezembru 2023. Programa ida ne’e aplika ba konta sira ne’ebé la ativu durante tinan rua ikus ne’e.
Deklarasaun ofisiál ne’e hatete katak “Hahu iha tinan ida-ne’e nia rohan, se iha konta ida husi Google ne’ebé seidauk uza ka seidauk asina iha tinan rua nia laran, ita sei deleta tiha konta no konteúdu sira iha konta gmail ne’eba.”
Desizaun ne’e hanesan sei aplika ba platforma hotu-hotu iha Google Workspace. Hahú husi Docs, Drive, Meet no Calendar. Konta Youtube no Google Foto sira ne’ebé la ativu durante tinan rua nia laran mós sei deleta tiha iha tempu hanesan.
Molok deleta tiha konta, Google sei manda notifikasaun ba ita nia email. “Antes deleta tiha konta, Ami sei manda informasaun antes dezembru 2023.” Notifikasaun sei manda ba diresaun e-mail no rekuperasaun e-mail (se disponivel),” dehan Google.
Google Deleta Gmail Iha Dezembru 2023
Programa foun ida ne’e sei halo dadus utilizadór balun lakon. Iha ne’e mak buat haat ne’ebé sei lakon bainhira konta ne’e deleta tiha, sumáriu husi Making Use Of:
Lakon Google Foto
Ema barak uza Google Foto. Tanba plataforma ne’e sei salva automatikamente ita nia foto no video ba Google nia Cloud.
Maibé programa foun sei deleta dadus hotu iha laran ne’e. Atu labele lakon konteúdu husi Google Foto sira, bele tama iha konta antigu no bele download konteúdu tomak.
Lakon File Google Drive
Arkivu balun husi Google Drive ne’ebé la uza mós sei lakon permanente. Se ita lakohi lakon dadus ne’ebe iha Googe Drive, download dadus ne’ebe importante no upload fali iha ita nia Google Drive foun.
Lakon Asesu ba Konta Atendimentu Seluk
Deleta tiha konta ida-ne’e mós sei fó impaktu ba atendimentu sira ne’ebé uza Single Sign-on. Tan ne’e, se ita boot sira submete ba atendimentu online hanesan Netflix ho konta Gmail ne’ebé tuan, karik ita boot sira sei lakon asesu ba ita boot sira nia konta Netflix bainhira Gmail deleta tiha.
Labele Manda Email ba Konta Tuan
Impaktu finál mak ema seluk la bele manda tan email ba konta tuan. Aleinde ne’e, se ita manda email husi diresaun konta tuan ba konta foun, iha risku atu lakon email importante husi konta tuan.
