DNS (Domain Name System) mak sistema ida-ne’ebé liga IP sira ho naran domíniu atu nune’e utilizadór sira bele asesu fasil ba website no la presiza hanoin IP ne’ebé naruk. Iha atividade internét lor-loron nian, DNS hala’o papél importante ida hodi transforma naran domíniu ba IP adresa ne’ebé komputadór sira rekoñese.

Maibé, Ita boot hatene ka lae katak iha DNS privadu ida ne’ebé bele uza atu aumenta lalais no seguransa ita nia internét? DNS privadu mak servisu DNS ne’ebé opera husi fornesedór servisu DNS ne’ebé foka liu ba lalais, privasidade no seguransa. Populár ida husi DNS Cloudflare mak 1.1.1.1

Saida Mak DNS Privadu?

DNS privadu mak servisu DNS ne’ebé atu uza pesoál no la opera husi fornesedór internét (ISP) ka kompañia boot ida. Privadu DNS jeralmente oferese asesu lalais liu, privasidade di’ak liu, no protesaun husi atake DDoS (Distributed Denial of Service).

Liu husi DNS privadu, ita bele aselera tempu rezolusaun DNS no hamenus poténsia ba atividade rejistu no monitorizasaun internét husi ISP ka terseiru parte sira. Privadu DNS mós bele bloke asesu ba website sira ne’ebé perigozu ka iha konteúdu ne’ebé la apropriadu.

Uza DNS Privadu Iha Android, iOS, no Windows

Ita bele uza DNS privadu ho fasilidade iha Android no iOS. Iha pasu hirak ne’e atu konfigurasaun DNS privadu ida iha sistema operasionál rua ne’e:

Konfigurasaun DNS Privadu iha Android:

1. Ba “Setings” iha Ita nia telemovel Android.
2. Hili “Wi-Fi & Networks” ka “Network Connections”
3. Hili rede Wi-Fi ne’ebé oras ne’e liga hela.
4. Hanehan rede Wi-Fi nia naran.
5. Hili “Change Network” ka “Jestaun Rede.”
6. Hili “Show Advanced Options” ka “More Network Options”
7. Buka opsaun “IP Settings” ka “IP Settings”.
8. Muda opsaun “DHCP” ba “Static” ka “Manual.”
9. Hatama diresaun ba DNS privadu (hanesan ezemplu, 1.1.1.1 no 1.0.0.1) iha form ne’ebé fornese.
10. Salva konfigurasaun no enjoy uza DNS privadu husi Cloudflare

Konfigurasaun DNS Privadu iha iOS:

1. Ba “Setings” iha ita nia telemovel iOS/Apple.
2. Hili “Wi-Fi” husi Menu Setting.
3. Hanehan naran rede Wi-Fi ne’ebé oras ne’e ita liga ba.
4. Hili “DNS Configuration”.
5. Hili “Manual” atu uza kostume DNS.
6. Hanehan “Add Server” atu aumenta DNS privadu (ezemplu 1.1.1.1).
7. Deleta DNS ne’ebé la presiza.
8. Salva konfigurasaun no enjoy uza DNS privadu husi Cloudflare

Konfigurasaun DNS Privadu iha Windows:

1. Klik iha Start Menu, tuirmai klik iha Control Panel.
2. Klik iha Network and Internet.
3. Klik iha Change Adapter Settings.
4. Klik loos iha rede Wi-Fi ne’ebé ita liga ba, tuirmai klike Propriedade.
5. Hili Protokolu Internet Versaun 4.
6. Klik Propriedade.
7. Hakerek kualkér inputs husi server DNS ne’ebé eziste ba referénsia iha futuru.
8. Klik Use The Following DNS Server Addresses.
9. Troka diresaun hirak-ne’e ho diresaun DNS 1.1.1.1
10. Klik OK, hotu tiha Close.
11. Restart ita nia komputadór.
12. Ita boot nia internet agora uza DNS lalais liu no privadu liu.

Saida Mak DNS 1.1.1.1

1.1.1.1 nu’udar ida husi DNS privadu ne’ebé jere husi Cloudflare, kompañia seguransa no rede ne’ebé koñesidu. Privadu DNS 1.1.1.1 oferese lalais rezolusaun DNS, ho tempu resposta ne’ebé badak liu duke DNS hanesan 8.8.8.8 husi Google.

Aleinde ne’e, 1.1.1.1 mós promete privasidade ne’ebé di’ak liu tan hodi la rejista dadus utilizadór no deleta arkivu kada oras 24. Ida ne’e ajuda atu proteje Ita nia privasidade bainhira haree internét.

Kompara ho Google DNS

Google nia DNS (8.8.88 no 8.8.4.4) mak populár iha mundu no Ita nia provider telekomunikasaun iha Ita nia rai laran mós uza DNS ne’e, hanesan Telkomcel, Telemor, no Timor Telecom. Maski iha objetivu hanesan ho 1.1.1.1 DNS privadu, iha diferensa importante balun entre sira na’in rua:

• Lalais: DNS na’in rua ne’e oferese jaringan lalais, maibé 1.1.1.1 ne’e tempu resposta lalais tebes.
• Privasidade: 1.1.1.1 fó atensaun ba privasidade utilizadór ho programa la-log no de-logs, enkuantu Google nia DNS bele rejista dadus utilizadór balun.
• Seguransa: Sira na’in rua fó seguransa di’ak, maibé 1.1.1.1 fó protesaun adisionál hasoru atake DDoS.

Bainhira hili DNS ne’ebé loos, ita bele konsidera DNS ne’ebe lalais, privasidade, seguransa no preferénsia pesoál sira.

Aplikasaun 1.1.1.1

Sei Ita lahatene konfigurasaun iha Ita nia telemovel ka komputadór, Ita bele download nia aplikasaun tuir link ida ne’e https://1.1.1.1/

Konklusaun

DNS privadu, inklui 1.1.1.1, nu’udar alternativa di’ak atu aumenta Ita nia internét sai lalais, privasidade no seguransa bainhira uza internét. Hodi konfigurasaun DNS privadu iha Ita nia telemovel ka nia ekipamentu sira, ita bele aproveita benefísiu sira ne’ebé DNS privadu iha atu oferese.