Apple anunsia ona data lansamentu ba iPhone 15 hafoin espekulasaun balun sirkula iha fulan molok ne’e. Konvite ba Eventu Apple foin manda ba ema hotu iha mundu.
Eventu ne’e sei hala’o iha tersa-feira, 12 Setembru 2023 tuku 10.00 dadeer. Ka iha Timor-Leste Kuarta dadeer, 13 Setembru tuku 02.00 dadeer.
Fatin eventu ne’e mak iha Apple Park, Cupertino, EUA (Estadus Unidus Amerika). Hanesan antes ne’e, eventu husi Apple mós sei streaming iha YouTube, Apple TV, no website Apple.
Wonder awaits. September 12. #AppleEvent pic.twitter.com/48gRXu3Ux4
— Greg Joswiak (@gregjoz) August 29, 2023
Tagline ne’ebá Apple hili ba eventu ne’e mak Wonderlust. Karik ida-ne’e deskreve kapasidade ne’ebé sei aprezenta iha telemovel foun, liuliu iha iPhone 15 Ultra.\
Alein dé haat modelu iPhone 15, iha Eventu Apple ne’e mós sira hakarak introdús ekipamentu foun. Hanesan Apple Watch jerasaun foun no AirPods Pro jerasaun foun uza ona port USB Type C.
Iha momentu ne’e, iPhone 15 Ultra bele sai fitun iha Eventu Apple. Telemovel ne’e sei troka iPhone 14 Pro Max ne’ebé publika iha tinan kotuk. iPhone 15 Ultra sei lori frame titanium no uza ekran 6,7 inch no lori bezel mihis liu husi serie iPhone 14.
Iphone 15 lori kamera periskopu iha telemovel ne’e. Ezisténsia kamera ida-ne’e fó dalan ba utilizadór iPhone 15 Ultra atu halo 5x Zoom optiku. iPhone 15 series uza ona port USB Type C.
