Susar atu maneja osan? Keta preokupa, ita bele koko 5 aplikasaun ne’ebé bele ajuda ita meneja ita nia osan! Aplikasaun maneja osan ne’e mai ho aspetu oioin ne’ebé interesante no fasil atu uza, ita bele download aplikasaun ne’e liu husi Playstore ka Apple Store.

Uza aplikasaun maneja osan, ita bele rejista ita nia tranzasaun hotu-hotu, hahú husi osan sai, osan tama, to’o halo planeamentu finansiál. Aplikasaun balun ne’ebé eziste mós iha aspetu integrasaun konta banku ne’ebé bele rejista tranzasaun automatika.

5 Aplikasaun Maneja Osan

Ida ne’e mak 5 aplikasaun rejistu finansiál pesoál ne’ebé bele fasilita ita-boot sira atu maneja ita-boot sira-nia finansiál loroloron no fulan-fulan.

1. Money Manager

Aplikasaun primeiru ba maneja finansiál mak Money Manager. Aplikasaun ne’e oferese aspetu interesante oioin ne’ebé fasilita ita atu maneja ita-nia osan. Hanesan rejistu loroloron, fulan-fulan, ba tinan-tinan kona-ba tranzasaun finansiál.

Ita bele kategoria osan sai no osan tama hotu-hotu tuir ita-nia hakarak. Money Manager ne’e fasil tebes atu uza tanba iha aspetu uza PIN, nune’e ema seluk labele loke aplikasaun ida ne’e arbiru, tanba ita proteje ona uza PIN.

DOWNLOAD MONEY MANGER IHA PLAYSTORE KA APPLE STORE

2. Money Lover

Aplikasaun ba maneja finansiál tuir mai mak Money Lover. Aplikasaun ida-ne’e ema barak mak uza tanba aplikasaun ne’e simples no futuristiku. Ita bele rejista tranzasaun sira ne’ebé eziste liuhusi grupu sira iha kategoria oin-oin.

Money Lover bele fó relatóriu finansiál ba ita-boot sira durante fulan tomak. Iha gráfiku ida-ne’ebé atrativu, Money Lover permite ita atu maneja didi’ak ita-nia osan.

DOWNLOAD MONEY LOVER IHA PLASYSTORE KA APPLE STORE

3. Wallet

Rejistu osan sai no osan tama agora fasil liu ho aplikasaun Wallet! Aplikasaun ida-ne’e bele rejista tranzasaun hotu-hotu ne’ebé ita halo loroloron.

Tuir mai, sei rejista osan sai ne’ebé eziste no tuirmai sei kria gráfiku osan sai ne’ebé fahe ba kategoria oin-oin. Aleinde ne’e, aplikasaun ne’e oferese aspetu ida-ne’ebé bele liga ba ita-nia konta bankária.

DOWNLOAD WALLET IHA PLAYSTORE KA APPLE STORE

4. Monefy

Monefy interesante liu fali aplikasaun sira ne’ebé ita diskute ona, liuhusi aplikasaun ida-ne’e ita bele haree osan sai oioin ne’ebé akontese iha ita-nia moris loroloron nian.

Vantajen seluk tan mak utilizadór sira bele kria konta rejistu finansiál liu ida, tanba ne’e ita la presiza uza aplikasaun barak iha ita nia telemovel.

DOWNLOAD MONEFY IHA PLAYSTORE KA APPLE STORE

5. Spendee

Fasil liu atu halo monitorizasaun ba ita-nia osan sai ho aplikasaun Spendee! Liuhusi aplikasaun ida-ne’e ita sei hetan konvite atu haree oinsá mak ita hasai osan loroloron.

Atu minimiza tranzasaun finansiál ne’ebé la rejista, aplikasaun ne’e bele integra ho ita-nia konta banku. Aplikasaun ida-ne’e mós iha tipu moeda oin-oin ne’ebé permite ita atu rejista osan sai oin-oin ne’ebé eziste bainhira ita iha rai-li’ur.

DONWLOAD SPENDEE IHA PLAYSTORE KA APPPLE STORE

Ne’e mak 5 aplikasaun maneja osan ne’ebé ita bele hili tuir ita-nia nesesidade. Ami espera katak informasaun sira-ne’e sei fasilita ita-boot sira atu maneja didi’ak ita-boot sira-nia osan.