Se dala barak ita manda hela de’it mensajen audio iha WhatsApp Chat, agora ita bele koko aspetu foun husi WhatsApp, ne’ebe ita bele manda instant vídeo ba ita nia familia, kolega, no doben.
WhatsApp foin dadauk ne’e fó sai ninia aspetu instant vídeo . Ida ne’e permite utilizadór sira atu rejista no fahe vídeo badak iha WhatsApp chat.
“Mensajen vídeo mak dalan ida atu hatán hodi ko’alia ho buat ne’ebé ita hakarak hatete no hatudu iha sekundas 60 nia laran. Ami hanoin katak ida-ne’e mak dalan ne’ebé kontente atu fahe momentu ida ho emosaun hotu ne’ebé mai husi vídeo ne’e, atu hato’o parabéns ba ema nia aniversáriu, hamnasa ho joke.” WhatsApp hatete iha deklarasaun ofisiál ida iha sira nia website.
Maneira atu Manda Instant Vídeo iha WhatsApp Chat
- Ita tenki uza WhatsApp versaun foun, sei ita nia WhatsApp sidauk versaun foun ita bele download iha PlayStore (Android) ka AppStore (iOS/Apple)
- Loke aplikasaun WhatsApp
- Loke chat ne’ebe ita atu koko manda instant vídeo
- Buti ikon mic, buti deit dala ida keta tahan ikon mic ne’e. Buti too ikon mic ne’e troka ba ikon vídeo
- Timer sei mosu molok hahú vídeo record
- Ita bele record instant vídeo too sekundas 60
- Bainhira record remata tiha, instant vídeo ne’e sei manda kedas ho forma thumbnails kabuar iha chat.
- Instant vídeo sei automatikamente lian bainhira loke chat.
- Mensajen vídeo sira hetan protesaun ho enkripsaun end-to-end hodi mantein mensajen sira seguru.
Ida-ne’e mak maneira atu manda instant vídeo iha WhatsApp.
