Mark Zuckerberg hatete katak nia prontu atu hasoru Elon Musk no sujere iha 26 Agostu nu’udar oráriu ba fight sira nain rua. Ikusmai, Musk hatán ba sujere ne’e, maibé nia seidauk prontu atu fight iha tempu badak.
Iha tweet ida iha Twitter, Musk dehan katak nia presiza MRI atu haree kondisaun iha nia ruin kotok, no karik presiza operasaun molok nia bele fight hasoru Zuckerberg.
Exact date is still in flux. I’m getting an MRI of my neck & upper back tomorrow.
May require surgery before the fight can happen. Will know this week.
— Elon Musk (@elonmusk) August 7, 2023
Nu’udar CEO Tesla no SpaceX, Musk nia saúde sai interese ba ema barak. Liu tan, Musk ne’e ho idade tinan 52 dala barak ko’alia kona-ba nia moris ne’ebé la saudavel, hanesan serbisu lembur no tenke toba iha servisu fatin.
Seidauk hatene oinsá kondisaun saúde Musk ne’ebe sei afeta nia planu fight ho Zuckerberg. Hafoin semana balu sira nain rua nonok, agora Musk no Zuckerberg koalia iha média sosiál kona-ba sira nia planu atu fight.
Musk hateten katak fight ne’e sei livestreaming iha Twitter/X no rendimentu husi sira nain rua nia fight atu fó ba Fundasaun Caridade Veteranu. Entretantu, Zuckerberg dehan katak nia prontu ona no hein hela konfirma husi Musk.
