WhatsApp lansa ona konta ofisiál iha ninia aplikasaun. Se derrepente de’it ita simu mensajen husi konta ho naran WhatsApp, keta hakfodak, tanba ida-ne’e husi ofisiál WhatsApp.
Konta ne’e serve atu fornese informasaun ofisiál husi WhatsApp. Porezemplu, kona-ba aspetu foun, tips and tricks, esplikasaun produtu no seluk tan.
Konta WhatsApp ofisiál ho naran “WhatsApp” ho ladak matak iha nia sorin, ne’ebé hatudu katak konta ne’e mak konta ne’ebé hetan verifikasaun. Iha mós deskrisaun ida kona-ba “Konta Ofisiál WhatsApp” iha konta nia kraik, atu hatudu katak ida-ne’e Konta WhatsApp ofisiál.
Iha mós foto perfíl, nia uza logo WhatsApp iha forma bubble konversasaun ne’ebé akompaña husi ikona ne’ebé simu telefone, uza background matak ne’ebé tipiku ba aplikasaun mensajen WhatsApp.
Konta ofisiál WhatsApp nian mak one-way. Ne’e katak, utilizadór sira bele simu de’it mensajen husi konta ne’e, maibé labele hatán ka telefone ba sira.
Konta ne’e sei hatudu iha ita-nia lista chat. Maibé, se utilizadór sira sente la kontente, ita bele arkiva konta ofisiál WhatsApp atu nune’e bele subar husi lista chat.
Konta ofisiál WhatsApp foin publika iha loron 20 Julhu. Konta ne’e mós mosu iha utilizadór WhatsApp balun iha Timor-Leste, porezemplu iha WhatsApp versaun 2.23.15.78 iha Android.
Tan ne’e, se ita simu mensajen husi WhatsApp, maibé nia konta laiha ladak matak ho deskrisaun kompletu iha nia kraik. Tan ne’e, ita tenke kuidadu bainhira halo relasaun ho konta ne’e.
