Maski ita boot sira hasoru ona iPhone ne’ebé idade ona ka koko atu hetan dezempeñu optimu ho sosa iPhone foun fali, Ami sei fó hatene ba ita boot sira kona-ba maneira no solusaun ne’ebé efetivu hodi ajuda ita hasa’e ita boot nia dezempeñu iPhone nian.
5 Maneira Atu Hasa’e Ita nia iPhone Nia Dezempeñu
Ita bele halo tuir pasu sira iha kraik hodi improva ita nia iPhone nia dezempeñu:
1. Atualiza Ita-nia iPhone
Razaun úniku ne’ebé entidade ruma fornese atualizasaun ba ita nia sistema iPhone, aplikasaun, ka funsaun ida mak atu halo sai di’ak liu. Atualizasaun atu halakon risku seguransa potensiál sira, fornese fiksaun bug sira, no optimiza efisiénsia, no atualiza iOS ba ita nia iPhone.
Atu atualiza Ita nia iPhone, buat hotu ne’ebé Ita presiza halo mak ba Settings > General > Software Update. Se iha versaun iOS foun ida, ita sei iha opsaun atu Download and Install no Install Now.
2. Hamoos Armazenamentu no Deleta Aplikasaun ne’ebé la Nesesáriu
Se dala barak ita download aplikasaun ka rai ita nia foto barak, ita nia iPhone nia armazenamentu bele nakonu lalais. Karik ema ne’ebé uza iPhone haree ona avizu “iPhone Storage Full”.
Bainhira ita uza iPhone no senti iPhone nee lag loos, problema nee tanba ita nia armazenamentu besik atu nakonu ona, no ida ne’e hamosu problema sériu ho ita boot nia dezempeñu iPhone nian.
Importante tebes atu fó ita nia iPhone di’ak fali, ita bele hamoos beibeik dadus ne’ebe la importante no deleta aplikasaun ne’ebe ita la uza ona. Infelizmente, kria fatin livre iha ita nia iPhone mak fasil tebes.
3. Hamate Background App Refresh
Background App refresh mak funsaun ida ne’ebé permite ita nia iPhone atu atualiza konteúdu aplikasaun nian iha background, maske ita la uza, ka seidauk uza, aplikasaun ne’e iha tempu balu nia laran. Se ita hakarak atu atualiza hela de’it, karik ita lalika hamate Backgroud App Refresh.
Maibé tanba funsaun ida ne’e han rekursus barak no sistema nia kbiit, sei fó benefísiu bainhira hadi’a dezempeñu ne’e sai nu’udar prioridade primeiru no importante liu. Ne’e mak buat ne’ebé ita presiza halo atu hamate Backgroud App Refresh.
- Ba Setting > General
- Hili Backgroud App Refresh
- Turn Off tiha aplikasaun ne’ebé ita hakarak hamate. Ita mós bele kebit kebit Backgroud App Refresh Iha leten no hili atu uza Wi-Fi ka Mobile Data
4. Ativa Reduce Motion
Iha ninia rekursu visual, Apple uza animasaun no efeitu oioin iha iPhones. Infelizmente, ida ne’e bele impede ita nia telemovel nia dezempeñu. Maske tipu ida ne’e espesífiku liu uitoan kompara ho solusaun jerál sira seluk atu rezolve problema, maibé ida ne’e hatudu efetivu ba utilizadór barak. Ativa Reduce Motion tuir pasu hirak ne’e:
- Ba Setting > Accessibility.
- Hili Motion.
- Halo ativa Reduce Motion.
5. Taka Aplikasaun la uza no Restart iPhone
Bainhira ita loke iPhone no ita haluha taka aplikasaun ne’ebe ita la uza ona, nee bele hatun ita nia dezempeñu iPhone nian. Tanba aplikasaun ne’ebe ita la taka bele konsumu RAM beibeik.
Se ita lakohi taka aplikasaun ida-idak, ita bele Restart ita nia iPhone.
Konkluzaun
Hanesan mós ho kualkér telemovel ka aplikasaun ruma, ita nia iPhone sei hetan manutensaun regulár. Maski ita boot nia telemovel slou, keta hein atu implementa maneira hirak ne’e hodi hetan buat barak liu husi ita boot nia iPhone. Ida ne’e mos sei bele halo naruk bateria nia saúde no ita mos bele hetan dezempeñu optimu husi ita nia iPhone.
