WhatsApp foin lansa aspetu foun ida-ne’ebé permite utilizadór sira atu kria grupu iha aplikasaun WA la presiza naran, ida ne’ebé uluk ita tenki hatama naran mak foin bele kria grupu WhatsApp.
Aspetu ida-ne’e sei ajuda utilizadór sira atu kria grupu lalais, maske sira la deside kona-ba tópiku saida mak sira atu halo ba grupu ida sira kria ne’e.
Maibé, la hanesan ho grupu WhatsApp baibain ne’ebé bele aumenta partisipante to’o 1,024, aplikasaun mensajen ida-ne’e konfirma katak grupu ne’ebé sidauk iha naran sei limitadu ba partisipante na’in 6 de’it.
Grupu sira-ne’e sei hetan naran dinámiku bazeia ba utilizadór sira ne’ebé aumenta ba grupu ne’e. Grupu nia naran sei mosu diferente ba partisipante ida-idak, depende ba oinsá sira salva sira-nia kontaktu iha sira-nia telefone.
Meta esplika katak se ita tama ba grupu anónimu ida ho ema ne’ebé seidauk salva ita-nia kontaktu, entaun ita-nia númeru telefone sei sai grupu nia naran. Ida-ne’e hatudu katak aspetu ida-ne’e bele sai hanesan objetivu liu ba kolega no família sira ne’ebé koñese malu.
