Meta komesa lansa ona aplikasaun web ida ba aplikasaun Threads, plataforma média sosiál ida-ne’ebé bazeia testu kompetitor ba Twitter/X. Versaun web husi Threads lansa iha tempu susar atu mantein sira nia utilizadór.
Meta CEO Mark Zuckerberg hateten katak versaun web husi Threads hahú lansa ba utilizadór hotu. Maibé iha loron hirak tuirmai sei hala’o livre neineik-neineik, entaun keta preokupa se ita seidauk bele asesu ba Threads versaun web ne’e.
Versaun web husi Threads hanesan ho aplikasaun telemovel, maibé pozisaun bar navigasaun nian la hanesan tanba tau iha leten. Atu troka entre feed For You and Following, utilizadór sira bele klike iha butaun iha parte karuk okos.
Threads iha web sei fasilita utilizadór sira atu asesu ba plataforma ne’e liu husi desktop. Utilizadór sira bele hatama postu, interasaun ho postu sira hanesan hatán no gosta, no haree konteúdu husi sira-nia feed.
Maibé Threads iha web la kompletu hanesan iha aplikasaun telemovel. Portavós Meta Christine Pai dehan katak agora dadaun utilizadór sira la konsege edita profíl ka manda mensajen ba Instagram DM iha Threads versaun web.
Meta hateten katak sei aumenta tan funsaun ba versaun web Threads iha semana hirak oin mai atu lori mós esperiénsia iha web no telemovel.
