Agora Google aumenta ona tab dedikadu foun ida ba aspetu Memories iha aplikasaun Google Foto. La’ós de’it ida-ne’e, aspetu ida-ne’e agora mós hetan apoiu husi AI jenerativu hodi kria ita-nia kolesaun fotografia memoravel, inklui fó títulu ba kada kolesaun.

Memories mak aspetu tuan katak funsaun ida-ne’ebé halo grupu ba foto no vide tuan sira para ita bele hare’e fila fali. Antes ne’e, funsaun ida-ne’e sai nu’udar parte importante liu iha aplikasaun Google Foto ho vizaun hanesan Instagram Stories.

Maske nune’e, agora aspetu memories iha tab espesiál ida-ne’ebé bele asesu liu husi navigasaun iha aplikasaun nia okos. Ida-ne’e mós agora atrativu liu tan ho formuláriu hanesan livru klipping, iha ne’ebé selesaun fotografia uza AI bazeia ba data no fatin iha metadadu.

La’ós de’it ida-ne’e, AI mós sei fó títulu ba kolesaun ida-idak iha timelime memories automatika bazeia ba fotografia sira iha nia laran. Se la apropriadu, utilizadór mós bele troka ho títulu seluk ka husu AI jenerativu atu halo títulu foun ho butaun “help me title”.

Aspetu memories foun ne’e mós oferese liu tan personalizasaun. Agora utilizadór sira bele aumenta ka hasai foto espesífiku sira husi Memoria, no ita mós bele kria ita-nia kolesaun rasik ho manual.

Google hateten katak versaun foun husi Memories foin sira update iha nasaun USA no sei disponivel iha nivel globál iha fulan hirak oin mai. Google mós planeia atu aumenta opsaun atu esporta kolesaun memória hanesan vídeo ida atu nune’e utilizadór sira bele fahe ho fasilidade iha plataforma sira seluk.