Agora dadaun, halo vídeo virál sai hanesan trend ba ema barak, nune’e barak aplikasaun edita vídeo ne’ebe bele ita uza atu halo ita nia vídeo sai di’ak. Ita presiza edita ita-nia vídeo hodi sai di’ak bainhira ita upload iha TikTok, Youtube, Instagram, no Facebook.
Iha lista 6 kona-ba aplikasaun edita vídeo ne’ebé bele ajuda ita-nia video sai di’ak liu.
VivaVideo
Se mak la hatene VivaVideo, liuliu ho watermark iha postu Instagram ema barak? VivaVideo mak aplikasaun ida-ne’ebé dezenvolve husi QuVideo Inc no ema download ona liu tokon 100.
Vantajen ida husi aplikasaun ne’e mak ita bele download aplikasaun ida-ne’e ho gratuita. VivaVideo fornese filtru liu 200 ne’ebé ita bele uza atu edita vídeo. Liután ne’e, fasil atu komprende interfase ne’e iha forma storyboard atu nune’e bele aumenta tan fasil ita atu uza aplikasaun ida-ne’e.
inShot
Se ita buka hela aplikasaun atu edita vídeo simples, ita bele koko aplikasaun Inshot. Aplikasaun ida-ne’e aprezenta ba ema ne’ebe sidauk hatene kona-ba edita video, nune’e sira bele sente oinsá atu edita vídeo ho fasil. Aleinde ne’e, aplikasaun ne’e perfeitu ba utilizadór Tiktok no Instagram, tanba iha funsaun oioin ne’ebé kontente hanesan testu no emoji.
Capcut
CapCut nu’udar Editor Video no Video Maker ho Muzika ba TikTok ne’ebé versatil no fasil atu uza.
Aleinde ninia aspetu báziku sira, hanesan edisaun vídeo, testu, stickers, filtru, kór no múzika, CapCut oferese aspetu avansa ne’ebé livre, inklui keyframe animation, smooth slow-motion effects, chroma key, Picture-in-Picture (PIP), no estabilizasaun atu ajuda ita kaptura no snip momentu sira. Halo vídeo ho CapCut no sai virál iha TikTok, YouTube, Instagram, WhatsApp no Facebook!
Kinemaster
KineMaster mak aplikasaun edita vídeo ho esperiénsia ne’ebé di’ak liu! Halo Ita-nia vídeo sira furak tebes ho AI Super Rezolusaun no background vídeo transparente!
Hetan KineMaster no hetan esperiénsia di’ak liu iha edita vídeo telemovel! Ida-ne’e fasil ho instrumentu edita ne’ebé forte, ho aspetu eskluzivu, no biblioteka ida ho rikusoin rihun ba rihun ne’ebé ita bele uza atu lori ita-nia vídeo sira sai virál!
PowerDirector
Se ita mak ema ne’ebé hakarak halo vídeo ho kualidade di’ak liuita bele PowerDiretor. Aplikasaun ne’e rekomenda maka’as husi YouTubers iha mundu.
Aplikasaun ne’e husi fundadór CyberLink.com, aplikasaun ida-ne’e bele edita vídeo to’o kualidade 4K. Maibé, aplikasaun ida-ne’e iha watermark kuandu ita uza versaun gratuita, atu halakon watermark ita tenki subkreve no selu fulan-fulan.
VideoShow
VideoShow mak Editor vídeo ne’ebé iha espesifikasaun funsionál hanesan KineMaster ka PowerDiretor. Aplikasaun ne’e fornese fasilidade ba utilizadór tanba laiha watermark. Aleinde ne’e, aspetu sira ne’ebé oferese mós variante husi estandar too aspetu ne’ebé iha aplikasaun ida-ne’e de’it.
Ita bele koko ida-ida aplikasaun edita vídeo iha leten. Aleinde ne’e, ita mós bele kompara rezultadu sira husi aplikasaun edita vídeo sira. Tuir loloos, la’ós aplikasaun hotu iha leten mak bele responde ba ita-nia nesesidade atu edita vídeo, maibé simplisidade ne’ebé oferese mak valór adisionál ida.
