Hacking mak hanesan risku ida atu akontese iha ita nia konta mídia sosiál. Katak ema ne’ebé na’in ba konta mídia sosiál ne’e hetan dezvantajen boot tanba akontesementu ne’e. Tanba ne’e, ita importante atu hatene maneira atu prevene ita nia konta mídia sosiál husi hacking.
Maneira atu prevene konta mídia sosiál ne’e fasil. Hanesan Facebook, Instagram, TikTok, WhatsApp, Threads, Twitter no seluk tan ne’e afinál iha ona fasilita fitur seguransa másimu.
Ema barak mak uza mídia sosiál sei la hatene ka la komprende kona-ba ezisténsia fitur seguransa ne’e. Tanba la ativa fitur seguransa hirak ne’e. Ho situasaun ne’e, risku boot ida mak seguransa ba sira nia konta sei iha perigu.
3 Maneira Atu Prevene Konta Mídia Sosiál Husi Hacking
Hatene ka ita, kuandu ita nia konta mídia sosiál kona hacking, hacker sira bele uza ita nia konta mídia sosiál atu halo fraude no mós bele fa’an ita nia konta iha dark web. Kondisaun ida ne’e perigu tebes. Liuliu bainhira ita nia konta inklui dadus privadu ita nian ho detallu.
Kuandu ita sidauk hatene maneira atu prevene konta mídia sosiál husi hacking, ita bele kontinua lei artiklu ida ne’e too hotu.
Update Aplikasaun Beibeik Husi Playstore ka AppStore
Seguransa sibernetika hanesan esforsu kolektivu. Dezenvolve no fornese software nian halo sira nia papel ho kontinua nafatin hodi aumenta seguransa aplikasaun sira. Sira aumenta fitur molok atu hamenus ameasa no vulnerabilidade ne’ebé sai.
Update aplikasaun permite ita bele asesu ba fitur seguransa modernu husi fornese software nian. Sira prioritiza kontrolu asesu no aumenta defesa sistema nian kontra uza inautórizadu.
Fornese software bele introdús enkripsaun ba sira nia armazena seguransa, nune’e evita hacker hodi la bele hare ita nia dadus, maibé ita la sei hetan benefísiu husi fitur ne’e bainhira ita la update ita nia aplikasaun.
Ativa Otentikasaun Multi Factor
Hacker bele hatene ita nia naran ho kata sandi. Tanba ne’e, ita presiza aumenta seguransa ba prosesu login ita-nia. Ita bele ativa Otentikasaun Multi Faktor (MFA) ka naran seluk Autentikasaun Rua Faktor (A2F).
Fitur MFA ou A2F ne’e bele utiliza verifika ita nia identidade liu husi media balu sira halo ona rejistu ka hetan aprovasaun. Hanesan simu One Time Password (OTP) ba email ka numeru telemovel ita nia, hatutan perguntas seguransa ida ne’ebe ita konfigura, ka eskanea kodigu autentikasaun ho aplikasaun ne’ebe instaladu iha telemovel ita nia.
MFA ou A2F mak maneira ida ne’ebe efetivu liu hodi prevene ita nia konta mídia sosiál. Hacker sira bele hetan difikuldade atu hetan asesu ba ita nia konta mídia sosiál Tanba, ita nia konta halo ona ligasaun diretamente ho email ka numeru telemovel ita nia para bele simu MFA ou A2F.
Uza Apliksauan Password Manajer
Password ne’ebé badak ka fasil bele hamosu brute force atake, ne’ebe brute force atake bele halo hacker naok ita nia kredensial hanesan username ou password no seluk tan. Se ita difisil atu kria no hanoin password ne’ebe susar, ita bele uza aplikasaun password manajer. Password manajer ne’e sei ajuda ita kria password ne’ebé komplikadu no salva iha fatin seguru.
Frakeza password bele hamosu problema seguransa siber ida ne’ebe bele hanetik ita nia kapasidade atu maneja ba login ho efetivu. Password manager ne’ebé konfiansa bele halo password ne’ebé úniku no fó armazenamentu, ne’ebé ita la presiza atu hanoin. Ita nia password mós sira sinkroniza ba ita nia telemovel seluk, para ita bele login fasil iha ne’ebe deit.
Konklusaun
Ida ne’e mak tolu maneira atu prevene ita nia konta mídia sosiál. Presiza hatene, ema ne’ebé mak bele sai vitima fraude ka hacking ita nia konta. Kriminal siber aproveita vulnerabilidade ne’ebé ki’ik tebes iha ita nia konta atu halo sira-nia hahalok-aat.
